Joshua stërvitet më MayWeather para rimeçit ndaj Usyk

16:22 | 3 Janar 2022
KRG

Anthony Joshua gjendet në Dubai për të përfunduar stërvitjet e tij para rimeçit ndaj Oleksandr Usyk.

Bashkë me të gjendet poashtu edhe legjenda e boksit Floyd MayWeather i cili është duke ndihmuar Joshuan të përgatitet.

Sipas mediave britanike, MayWeather tashëm është bërë pjesë e stafit të Joshuas, duke i dhënë këshilla për sfidën që do të zhvillohet në pranverë të këtij vitit.

MayWeather poashtu gjendet në Dubai për t’i stërvitur disa nga boksierët e tij dhe me këtë rast ka vendosur edhe të i ndihmojë Joshuas.

Nëpër rrjetet sociale kanë qarkulluar  disa video  ku shihen të dy duke kryer seancat stërvitore.

“Gjëja më e mirë është të ndihmojë brezin e ri. Respekt të madh për ty kampion”, ka qenë mesazhi i Joshua në drejtim të Mayweather.

Ende nuk është  bërë ditur data se kur do të mbahet por sipas trajnerit kryesor të Joshuas, ndeshja do të mbahet në pranverë të këtij vitit. /arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm